18.05.2024 | 17:55
Կենտրոն վարչական շրջանի և Վանաձորի մի շարք հասցեներում գազանջատումներ կլինեն
Արցախցիներին տրամադրելու ենք սննդի քարտեր՝ պարենային զամբյուղին համապատասխան գումարով. նախարար․ ՏԵՍԱՆՅՈՒԹ
Հասարակություն
27.09.2023 | 12:42
Վերջին տվյալների համաձայն՝ արդեն 47115 մարդ է հատել Հակարիի կամուրջը: 42 500 բռնի տեղահանվածներից Հայաստանի սահմանը հատելուց հետո արդեն հաշվառվել են 22 800-ը։
Աշխատանքի և սոցիալական հարցերի նախարար Նարեկ Մկրտչյանն այսօր հրավիրված ասուլիսում նշեց, որ աշխատանքներ են պլանավորվում կարճաժամկետ, միջնաժամկետ և երկարաժամկետ կտրվածքով: Կարիքների ամբողջական գնահատում իրականացնելուց հետո հնարավոր կլինի արդեն ծրագրերը ներկայացնել։
«Շատ կարևոր է, որ ԼՂ-ից տեղահանված այն քաղաքացիները, որոնք չեն հաշվառվել, կապ հաստատեն միասնական սոցիալական ծառայության տարածքային կենտրոնների հետ և հաշվառվեն մարզային հաշվառման կենտրոններում, որովհետև դա մեզ հնարավորություն կտա կարիքներն ամբողջական գնահատել և ծրագրեր ներկայացնել»,- հայտարարեց նախարարը։
Մկրտչյանի խոսքով՝ շրջանառության մեջ է դրվել մի նախագիծ, որը հմարավորություն է տալու ԼՂ քաղաքացիներին օգտվելու բնակարանի վարձակալության և հյուրընկալության ծրագրից, որը նախատեսվում է իրականացնել Սյունիքի, Գեղարքունիքի և Վայոց ձորի մարզերում։ Այս ծրագիրն ունենալու է նաև լրացուցիչ բաղադրիչ, բաժանվելու ենք սննդի քարտեր՝ պարենային զամբյուղին համապատասխան գումարով։ Չի բացառվում նաև կոմումալ ծախսերի որոշակի փոխհատուցումը:
Մանրամասները՝ տեսանյութում։
