Քաղաքականություն
27.09.2023 | 23:11
Ռումինիան մտադիր է 6,5 մլրդ դոլարով 32 ամերիկյան վերջին սերնդի F-35 կործանիչներ գնել՝ հակաօդային պաշտպանության ամրապնդման համար։ Այս մասին հայտնում է Reuters-ը։
Նշվում է, որ F-35-երի գնումը հավանության է արժանացել Ռումինիայի Պաշտպանության բարձրագույն խորհրդի (CSAT) կողմից։ Գերատեսչությունից նշել են, որ սպասում են խորհրդարանի հաստատմանը՝ գնումների գործընթացը սկսելու համար:
Բացի այդ, համաձայնագիրը ներառում է լոգիստիկ, ուսումնական ծառայություններ ու զինամթերք, ինչպես նաև Ռումինիայի համար ավելի ուշ ևս 16 միավոր F-35 գնելու հնարավորություն:
Ռումինիան պաշտպանական ծախսերը հասցրել է ՀՆԱ-ի 2,5%-ին։
