25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Ալիևը Բլինքենին հայտնել է, թե Բաքուն պատրաստ է ՄԱԿ-ի ներկայացուցչին թողնել Արցախ
Քաղաքականություն
27.09.2023 | 11:56
ԱՄՆ պետքարտուղար Էնթոնի Բլինքենի ու Ադրբեջանի նախագահ Իլհամ Ալիևի՝ նախօրեին տեղի ունեցած հեռախոսազրույցի վերաբերյալ ադրբեջանական կողմի տարածած հաղորդագրությամբ ասվում է, որ կողմերը քննարկել են Արցախում տիրող իրավիճակը։
Ալիևը նշել է, թե աշխատանքներ են տարվում «Ղարաբաղի տարածաշրջանում ապրող հայ բնակիչների, ինչպես Ադրբեջանում ապրող այլ էթնիկ փոքրամասնությունների իրավունքների ապահովման ուղղությամբ, երկրի օրենսդրության և միջազգային պարտավորությունների շրջանակներում»։
Նա նշել է, թե Ադրբեջանի ներկայացուցիչների և հայ բնակիչների ներկայացուցիչների միջև շարունակվում է երկխոսությունը «վերաինտեգրման հարցերի շուրջ»։
Ալիևը նաև ասել է, որ Միջազգային Կարմիր խաչի հետ համագործակցում են հայերին օգնություն ցուցաբերելու ուղղությամբ։ Ըստ Ադրբեջանի նախագահի՝ Բաքուն պատրաստ է առաջիկայում կազմակերպել Ադրբեջանում հավատարմագրված ՄԱԿ-ի մշտական գրասենյակի համակարգողի այցը Արցախ։
