Այս պահի դրությամբ Ստեփանակերտում պայթյունից տուժած և Հայաստան տեղափոխված 67 անձ է գտնվում ԱՆ Այրվածքաբանության ազգային կենտրոնում և ստանում է համապատասխան բուժօգնություն։ Այսօր հրավիրված ասուլիսում այս մասին հայտնեց Առողջապահության նախարար Անահիտ Ավանեսյանը։
«Պացիենտների մեծ մասի առողջական վիճակը գնահատվում է ծայրահեղ ծանր, ծանր, ունենք նաև փոքրաթիվ միջին ծանրության դեպքեր։ Երկու օր առաջ Արցախից Հայաստանի տարբեր ԲԿ-ներ տեղափոխված 23 վիրավորները ևս շարունակում են բուժօգնություն ստանալ, արվել են նաև վիրահատություններ։
Ուրախությամբ արձանագրենք, որ 13 տարեկան տղայի առողջական վիճակում մի փոքր դրական տեղաշարժ կա»,- նշեց Անահիտ Ավանեսյանը։
Նրա խոսքով՝ Արցախից Հայաստան տարհանման պրոցեսը շարունակվում է, շտապ օգնության մեքենաներով Հայաստան են տեղափոխում ինչպես Ստեփանակերտում տեղի ունեցած պայթյունից տուժածներին, այնպես էլ վիրավորների։
Մանրամասները՝ տեսանյութում։
