15.09.2026 | 17:56
Ըստ ՔԿ-ի՝ Տաթևի վարչական ղեկավար Գոռ Մինասյանը անասնապահին տարիներ շարունակ հարկադրել է անվճար աշխատել
Արևելյան Սուդանում փախստականների շրջանում խոլերայի և դենգե տենդի բռնկումներ են
Քաղաքականություն
26.09.2023 | 23:12
Բժիշկները խոլերայի և դենգե տենդի բազմաթիվ դեպքեր են հայտնաբերել Սուդանի արևելքում կռիվներից փախած բնակիչների մոտ։ Այս մասին գրում է AP-ն՝ վկայակոչելով Առողջապահության համաշխարհային կազմակերպության տվյալները։
Մասնավորապես, բժիշկները հաստատել են խոլերայի վարակի 80 դեպք և 10 մահվան դեպք Գեդարեֆ նահանգի հիվանդանոցներում և Եթովպիային սահմանակից այլ շրջաններում։ Բացի այդ, Սուդանում գրանցվել է դենգե տենդի ավելի քան 500 դեպք, հիմնականում՝ Գեդարեֆ նահանգում։
ԱՀԿ-ն համոզված է, որ իրականում այդ հիվանդությունների դեպքերը շատ ավելին են, քանի որ բազմաթիվ հիվանդներ չեն շտապում դիմել բժշկի և նախընտրում են ինքնուրույն բուժվել։
Սուդանի բժիշկների միությունը հայտնել է, որ հարյուրավոր դենգեով հիվանդներ մահացել են Արևելյան Սուդանում, և որ երկիրը կանգնած է առողջական ճգնաժամի առաջ: Բժիշկներն ասում են, որ Գեդարեֆի հիվանդանոցները գերբնակեցված են հիվանդներով:
Հավելենք, որ Սուդանի զինված ուժերի և Արագ արձագանքման ուժերի միջև զինված հակամարտությունը շարունակվում է ապրիլի 15-ից։ Զոհերի ճշգրիտ թիվը հայտնի չէ։
