20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
ՀՀ շտապօգնության մոտ 30 մեքենա ուղևորվում է Արցախ
26.09.2023 | 13:59
Քիչ առաջ շտապօգնության մոտ 30 մեքենա Կարմիր Խաչ միջազգային մարդասիրական կազմակերպության ուղեկցությամբ ուղևորվեց Արցախ։ Այս մասին հայտնում է FactorTV-ի թղթակիցը՝ Գորիսից Արցախ տանող մայրուղու առաջին անցակետից։
Մենք փորձեցինք կապ հաստատել Առողջապահության նախարարության հետ, հասկանալով՝ արդյո՞ք մեքենաներն Արցախում երեկ տեղի ունեցած պայթյունի հետևանքով վիրավորներին պետք է Հայաստան տեղափոխեն, սակայն գերատեսչության հետ կապվելու և տեղեկություն ստանալու մեր փորձերն առայժմ արդյունք չտվեցին։ Նոր տեղեկություններ ունենալու դեպքում հավելյալ կտեղեկացնենք։
Հիշեցնենք՝ երեկ երեկոյան Ստեփանակերտ-Ասկերան ավտոճանապարհի հարակից տարածքում` բենզինի պահեստում, ուժեղ պայթյուն է տեղի ունեցել։ Կան զոհեր և վիրավորներ, այրվածքներ ստացած բազմաթիվ տուժածներ տեղափոխվել են բուժհաստատություններ։
Արցախի ՄԻՊ-ը ավելի ուշ հայտնեց, որ վիրավորների թիվն անցնում է 290-ը։ Մեծամասնության առողջական վիճակը ծանր է կամ ծայրահեղ ծանր։
Այսօր առավոտյան Երևանը հաղորդեց, որ ուղղաթիռով բժիշկների թիմը՝ անհրաժեշտ դեղորայքով և բժշկական պարագաներով մեկնել է դեպի Ստեփանակերտ։ Մայրաքաղաքի կենտրոնական հիվանդանոցում պացիենտները նախապատրաստվում են տեղափոխման։
