15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Ճապոնիան կոչ է արել խաղաղ ճանապարհով լուծել ԼՂ-ում ստեղծված իրավիճակը
Քաղաքականություն
26.09.2023 | 11:04
Ճապոնիան ուշադիր հետևում է Լեռնային Ղարաբաղի շուրջ իրավիճակին և կոչ է անում բոլոր կողմերին խաղաղ ճանապարհով լուծել խնդիրը։ Այս մասին մամուլի ասուլիսի ժամանակ հայտարարել է արտգործնախարար Յոկո Կամիկավան։
«Ճապոնիան կշարունակի հետևել իրավիճակի զարգացմանը, ներառյալ տեղի բնակիչների վիճակը», – ասել է նա՝ հիշեցնելով սեպտեմբերի 20-ի իր հայտարարությունը, որում կոչ էր անում Ադրբեջանին դադարեցնել ռազմական գործողությունները:
«Ճապոնիան բոլոր կողմերին կոչ է անում խաղաղ ճանապարհով լուծել այս տարածաշրջանի հետ կապված խնդիրները երկխոսության միջոցով»,- ընդգծել է Կամիկավան։
Անդրադառնալով Լեռնային Ղարաբաղի պատկանելության հստակեցնող հարցին՝ նա կրկնել է Տոկիոյի դիրքորոշումը, որը մատնանշում է «խաղաղ կարգավորման կարևորությունը՝ հիմնված Ադրբեջանի տարածքային ամբողջականության և ինքնիշխանության, ինչպես նաև միջազգայնորեն ճանաչված սահմանների անձեռնմխելիության վրա»։
