24.11.2024 | 17:00
Ֆրանսիայի Բրոն համայնքում Մեղրի քաղաքի պուրակ է բացվել
Ռուսական բանակը շարունակում է ռազմական հանցագործություններն Ուկրաինայում. ՄԱԿ-ը նոր զեկույց է հրապարակել
Քաղաքականություն
25.09.2023 | 23:23
ՄԱԿ-ի Մարդու իրավունքների խորհրդին առընթեր Ուկրաինայում խախտումների հետաքննության անկախ միջազգային հանձնաժողովը հերթական զեկույցն է հրապարակել իր գործունեության վերաբերյալ։
Նշվում է, որ «կան բազմաթիվ ապացույցներ, որ ռուսական ռազմական ուժերը ռազմական հանցագործություններ են կատարում Ուկրաինայում, այդ թվում՝ պայթուցիկ զենքով ապօրինի հարձակումներ, քաղաքացիական անձանց վնաս պատճառող հարձակումներ, խոշտանգումներ, սեռական և գենդերային բռնություն ու հարձակումներ էներգետիկ ենթակառուցվածքների վրա»։
«Խերսոնում և Զապորոժիեում հանձնաժողովի հետաքննությունը ցույց է տալիս ռուս զինվորականների կողմից խոշտանգումների համատարած և համակարգված կիրառում այն անձանց նկատմամբ, ովքեր մեղադրվում են Ուկրաինայի զինված ուժերին իրազեկելու մեջ: Որոշ դեպքերում խոշտանգումները կիրառվել են այնպիսի դաժանությամբ, որ հանգեցրել է անձի մահվան։ Տուժածներից մեկը, որը ենթարկվել է էլեկտրահարման, ասել է. «Ամեն անգամ, երբ ես պատասխանում էի, որ ոչինչ չգիտեմ կամ չեմ հիշում, ինձ հոսանքահարում էին… Չգիտեմ՝ ինչքան տևեց։ Դա կարծես հավերժություն էր»»,- ասվում է զեկույցում:
Հանձնաժողովը պարզել է, որ Խերսոնի մարզում ռուս զինվորները բռնաբարել և սեռական ոտնձգություններ են կատարել 19-ից 83 տարեկան կանանց նկատմամբ։ Հաճախ ընտանիքի անդամներին պահել են կողքի սենյակում՝ ստիպելով այդ գործողությունների ականատեսը լինել։
Հանձնաժողովի հետաքննությունները Խերսոնում և Զապորոժիեում ցույց են տվել ռուս զինվորականների կողմից խոշտանգումների համատարած և համակարգված կիրառում այն անձանց նկատմամբ, ովքեր մեղադրվել են Ուկրաինայի զինված ուժերին իրազեկելու մեջ:
