30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
Մի խումբ քաղաքացիներ Գորիս-Ստեփանակերտ ճանապարհին են. հույս ունեն՝ թույլ կտան արցախցի հարազատներին անցնել անցակետը
22.09.2023 | 16:18
Արցախում շրջափակման մեջ մնացած քաղաքացինորի որոշ հարազատներ արդեն մի քանի օր է՝ գիշերում են Գորիսից Արցախ տանող մայրուղու առաջին անցակետի մոտ՝ հույս ունենալով, որ իրենց հարազատներին թույլ կտան անցակետով անցնել և վերադառնալ Հայաստան։ Այս մասին անցակետի տարածքից հայտնում է Factor TV -ի թղթակիցը։
«Այստեղ են գտնվում նաև Եղցահող գյուղի բնակիչների հարազատները, որոնց տեղեկություններով՝ որոշ արցախցիներ այժմ անցակետին մոտ գտնվող ռուսական հենակետում են։ Նրանք հույս ունեն, որ եթե թույլ տան, ապա շատ արագ կարող են հասնել անցակետին ու իրենց հարազատներին տուն տանեն։ Այս խնդրանքով մարդիկ պարբերաբար մոտենում են անցակետին»,- փոխանցում է մեր թղթակիցը։
Նշենք, որ Գորիսից Արցախ տանող մայրուղու առաջին անցակետը ՀՀ ոստիկանության հսկողության տակ է գտնվում։ Ըստ մեր թղթակցի՝ նրանք այս պահին որևէ հատակ պատասխան չեն տալիս, հորդորելով՝ սպասել։
