20.06.2026 | 09:30
Էլինա Ավանեսյանն օգնել է Հայաստանի հավաքականին հաղթել Բիլի Ջին Քինգի գավաթի խմբում
ՌԴ-ն, Չինաստանն ու ԱՄՆ-ն արդիականացնում և ընդլայնում են իրենց միջուկային փորձարկման վայրերը․ CNN
Քաղաքականություն
22.09.2023 | 23:30
Վերջին երեք-հինգ տարիների ընթացքում Միացյալ Նահանգները, Չինաստանը և Ռուսաստանի Դաշնությունը նոր օբյեկտներ են կառուցել և թունելներ փորել իրենց միջուկային փորձարկման վայրերում: Այս մասին հայտնել է CNN-ը։
«Վերջին տարիներին Ռուսաստանը, Միացյալ Նահանգները և Չինաստանը նոր օբյեկտներ են կառուցել և նոր թունելներ փորել իրենց միջուկային փորձարկման վայրերում։ Այս մասին են վկայում արբանյակային լուսանկարները, որոնք բացառիկ կերպով տրամադրվել են CNN-ին»,- ասվում է հրապարակման մեջ:
Լուսանկարը լրատվամիջոցին տրամադրել է Միդլբերիի միջազգային հետազոտությունների ինստիտուտի Ռազմական զենքի չտարածման ուսումնասիրությունների Ջեյմս Մարտինի կենտրոնի պրոֆեսոր, վերլուծաբան Ջեֆրի Լյուիսը: Դրանք ցույց են տալիս միջուկային փորձարկման կայանների ընդլայնումը մի քանի տարի առաջվա տեսքի համեմատ:
Այս փորձադաշտերից մեկը շահագործվում է Չինաստանի կողմից Սինցզյան շրջանում, մյուսը Ռուսաստանի կողմից՝ Արկտիկական օվկիանոսում գտնվող արշիպելագում, երրորդը՝ ԱՄՆ-ի կողմից՝ Նևադայի անապատում:
Ըստ նոր պատկերների՝ լեռների տակ կան նոր թունելներ, ճանապարհներ և պահեստարաններ։ Այս վայրերում նաև ավելացել է տրանսպորտային միջոցների երթևեկությունը, որոնք ելումուտ են անում այդ տարածքներ։
«Մենք իսկապես շատ ակնարկներ ենք տեսնում, որ Ռուսաստանը, Չինաստանը և Միացյալ Նահանգները կարող են վերսկսել միջուկային փորձարկումները»,- ասել է Ջեֆրի Լյուիսը:
Այս երկրները դադարեցրել են միջուկային փորձարկումները, երբ 1996 թվականին արգելվեց ստորգետնյա միջուկային փորձարկումները: Դրանք արգելող պայմանագիրը ստորագրվել է, բայց չի վավերացվել Չինաստանի և ԱՄՆ-ի կողմից։
