07.10.2026 | 23:48
Արթուր Դանիելյանը կալանավորվեց
Հաջիևը հայտարարել է, թե «պայմաններն ապահովված են» Լաչինով և Աղդամով ԿԽՄԿ-ի կողմից դեղորայքի, սննդի և այլ ապրանքների առաքման համար
Քաղաքականություն
22.09.2023 | 16:36
Ադրբեջանի նախագահի օգնական Հիքմեթ Հաջիևը X-ի իր էջում հայտնել է, որ հանդիպել է Կարմիր Խաչի միջազգային կոմիտեի ու այլ միջազգային գործընկերների հետ։ Նա կրկնել է Բաքվի կեղծ պնդումները, թե Արցախում իրականացրած ռազմական ագրեսիայի ժամանակ Բաքուն պահպանել է հումանիտար իրավունքի նորմերը, թեև սոցցանցերում հենց ադրբեջանցիների հրապարակած տեսանյութերը հակառակն են փաստում։
«ԿԽՄԿ-ի հետ հանդիպման ժամանակ մենք հայտարարել ենք, որ բոլոր անհրաժեշտ պայմաններն ապահովված են և ապահովվելու են՝ ԿԽՄԿ-ի կողմից Լաչինի և Աղդամի ճանապարհներով դեղորայքի, սննդի և այլ ապրանքների առաքման համար։ Ադրբեջանական կողմը պատրաստ է բուժօգնություն ցուցաբերել հայկական ծագումով վիրավոր զինծառայողներին կամ օգնել նրանց ԿԽՄԿ-ի միջոցով։ ԿԽՄԿ բժշկական մեքենաների տեղաշարժն աջակցվում է վիրավոր զինվորականներին հավաքելու համար: Այդ նպատակով մենք պատրաստ ենք նաև շտապ բուժօգնության մեքենաներ հատկացնել և բուժօգնություն ցուցաբերել»,- գրել է Հաջիևը։
Նա նշել է, թե ՀՀ բժշկական տարհանման համար բժշկական մեքենաներ կարող են գալ նաև Հայաստանից։ Աշխատանքներ են տարվում ռուս խաղաղապահների հետ՝ դաշտում մնացած զինվորականների մարմինները տեղափոխելու համար։
Ըստ Հաջիևի՝ Բաքուն աջակցում է ԿԽՄԿ Ժնևի գրասենյակից լրացուցիչ անձնակազմ ստանալուն և Բաքվի գրասենյակից Ստեփանակերտի գրասենյակ լրացուցիչ անձնակազմ ուղարկելուն։
«Կամավոր և անհատական ընտրությամբ մենք ապահովում ենք քաղաքացիական անձանց տեղաշարժի անվտանգությունը սեփական տրանսպորտով Ստեփանակերտ-Լաչին ճանապարհով։ Գնալ ցանկացողները հիմնականում զինվորականների ընտանիքների անդամներ են։ Զենքն ինքնակամ վայր դրած զինվորականներն ազատության մեջ են, ինչպես մենք բացահայտ հայտարարել ենք»,- գրել է Հաջիևը։
Նա նշել է, թե, իբր, «քաղաքացիական-ռազմական համագործակցության հայեցակարգի շրջանակում ադրբեջանական զինվորականները և քաղաքացիական անձնակազմը տեղում օգնում են խաղաղ բնակիչներին և կշարունակեն դա անել»։
Էմմա Չոբանյան
