24.07.2026 | 22:09
Ոստիկանները Մարտիրոս բնակավայրի 63-ամյա տղամարդու տանը հայտնաբերել են թմրամիջոց
Չինաստանն ու Սիրիան ռազմավարական գործընկերություն կհաստատեն
Քաղաքականություն
22.09.2023 | 23:07
Չինաստանն ու Սիրիան կհայտարարեն ռազմավարական գործընկերության ստեղծման մասին, հայտարարել է Չինաստանի նախագահ Սի Ցզինպինը Սիրիայի նախագահ Բաշար ալ-Ասադի հետ հանդիպմանը, գրում է ՌԻԱ Նովոստին։
«Այսօր մենք համատեղ կհայտարարենք ռազմավարական գործընկերության հաստատման մասին, որը կարևոր հանգրվան կդառնա երկու երկրների հարաբերությունների պատմության մեջ», – ասել է Սի Ցզինպինը։
Նա ընդգծել է, որ Պեկինը պատրաստ է Դամասկոսի հետ զարգացնել բարեկամական համագործակցություն։ «Անկայունությամբ և անորոշությամբ լի միջազգային իրավիճակի պայմաններում Չինաստանը պատրաստ է շարունակել համագործակցել Սիրիայի հետ, ամուր աջակցել միմյանց, զարգացնել բարեկամական համագործակցությունը և համատեղ պաշտպանել միջազգային արդարությունը»,- ասել է Չինաստանի ղեկավարը։
Հինգշաբթի օրը Ասադը ժամանել է Հանչժոու քաղաք։ Ավելի վաղ Չինաստանի կենտրոնական հեռուստատեսությունը հայտնել էր, որ Ասադը Հանչժոուում մասնակցելու է Ասիական 19-րդ խաղերի բացման արարողությանը։
Չինաստանը դարձել է վեցերորդ երկիրը, ուր Ասադն այցելել է 2011 թվականին սիրիական ճգնաժամի սկսվելուց հետո: Նախկինում Սիրիայի նախագահը այցելություններ է կատարել Ռուսաստան, Իրան, ԱՄԷ, Օման և Սաուդյան Արաբիա։
