06.09.2026 | 10:45
Սպիտակ տուն․ ԱՄՆ բանագնացները Ռուսաստանում քննարկել են Ուկրաինայի հարցով «կոնկրետ ծրագրերը»
Ատոմակայանի գործարկման համար անհրաժեշտ է գնել մի շարք ապրանքներ․ Կառավարությունը ապրանքների ցանկը դեռ կուսումնասիրի․ ՏԵՍԱՆՅՈՒԹ
Տնտեսություն
19.07.2018 | 12:26
Էներգետիկ ենթակառուցվածքների և բնական պաշարների նախարար Արթուր Գրիգորյանն այսօր Կառավարության հաստատմանը ներկայացրեց որոշման նախագիծ, որով առաջարկվում է ատոմակայանի պլանային աշխատանքների ավարտման համար իրականացնել գնման գործընթաց։
«Պլանային աշխատանքների իրագործման ընթացքում ի հայտ են եկել չնախատեսված իրավիճակներ և տարբեր ապրանքների գնման նոր պահանջներ, որոնք ժամանակին դժվար է պատկերացնել»,- ասաց նախարարը՝ հավելելով, որ կա պահանջ անմիջապես մեկ անձից ձեռք բերել որոշման նախագծում նշված ապրանքերը։
Վարչապետը հետաքրքրվեց, եթե գնման թույլտվությունը Կառավարությունը նոր պետք է հաստատի, արդյոք դա չի՞ ուշացնելու ատոմակայանի գործարկման ժամկետները. «Կարող է այնպես լինի, որ այս ապրանքները գնվել են արդեն, և Կառավարությունն ընդամենը, որոշում է կայացնում»։
Հարցին ի պատասխան նախարարը նշեց, որ կան ապրանքներ, որոնց վերաբերյալ արդեն պայմանագրեր են կնքվել և դրանք արդեն Հայաստանում են։
Կառավարության անդամները պայմանավորվեցին, որ գնման ենթակա ապրանքների ցանկը մանրամասն կուսումնասիրեն, որից հետո նոր այս որոշման նախագիծը կհաստատվի։
Մանրամասները՝ տեսանյութում:
