16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Թևանյանը կոչ է անում Ծառուկյանին, Սամվել Ալեքսանյանին և մյուս գործարարներին միանալ ցուցարարներին․ ՏԵՍԱՆՅՈՒԹ
Քաղաքականություն
21.09.2023 | 20:08
Իշխանափոխությունն օրերի հարց է։ Այսօր Հանրապետության հրապարակում հրավիրված հանրահավաքի ժամանակ այս հայտարարությունն արեց «Մայր Հայաստան» դաշինքի առաջնորդ, Ազգային կոմիտեի անդամ Անդրանիկ Թևանյանը։ Նա կոչ արեց ուսանողներին վաղվանից սկսել դասադուլ, ստիպել, հորդորել դասախոսներին՝ միանալ իրենց։
«Առավոտյան ժամը 7։30-ից պետք է սկսել անհնազանդության ակցիաներ և փողոցներ փակել»,– ասաց Թևանյանը։
Նա շեշտեց` բախումների պետք չէ գնալ, երբ զգում են, որ ինչ–որ փողոցում խնդիրներ կան, մանր խմբերով ցրվել և հարակից փողոցները փակել։
«Խնդիրը ձերբակալվելը, բերման ենթարկվելը չէ, խնդիրը մեր բողոքը ցույց տալն է»,- նշեց Թևանյանը։
Դիմելով հանրապետության խոշոր գործարարներին` Թևանյանը կոչ արեց չխոչընդոտել գործադուլ հայտարարող աշխատակիցներին, միանալ նրանց, մասնավորապես Գագիկ Ծառուկյանին, Վարդանյան եղբայրներին, Սամվել Կարապետյանին, Սամվել Ալեքսանյանին և այլ գործարարների զգուշացրեց` եթե հանկարծ խանգարեն աշխատակիցներին, բոլոր հավաքվածներով նրանց գրասենյակներ կգնան։
Մանրամասները՝ տեսանյութում։
