30.05.2026 | 13:56
Նավթի գները նվազել են
ԵՄ երկրները դեռ որոշումներ չեն կայացրել Ադրբեջանի դեմ պատժամիջոցների վերաբերյալ
Քաղաքականություն
21.09.2023 | 21:37
ԵՄ երկրները գնահատում են իրավիճակը Լեռնային Ղարաբաղում և դեռևս որոշում չեն կայացրել Բաքվի դեմ պատժամիջոցներ կիրառելու վերաբերյալ։ Այս մասին ճեպազրույցում հայտարարել է Եվրահանձնաժողովի արտաքին քաղաքականության հարցերի ծառայության ներկայացուցիչ Փիթեր Ստանոն:
Ստանոն մեկնաբանել է Եվրախորհրդարանում հնչած կոչերը Ադրբեջանի դեմ պատժամիջոցներ սահմանելու վերաբերյալ։
«Ցանկացած պատժամիջոցների որոշում կայացվում է անդամ երկրների կողմից։ Անդամ երկրները գնահատում են ներկայիս իրավիճակը, որը ձևավորվում է Լեռնային Ղարաբաղում»,- ասել է նա։
Ստանոն ընդգծել է, որ Ղարաբաղում ստեղծված իրավիճակին հնարավոր արձագանքը պետք է լինի միջազգային, ինչի պատճառով ԵՄ երկրները խորհրդակցում են գործընկերների հետ ՄԱԿ-ի Գլխավոր վեհաժողովի շրջանակում։
«Այս փուլում անդամ երկրների կողմից որոշում չկա կոնկրետ միջոցառումների վերաբերյալ, որոնք ձեռնարկվելու են, դրանք գնահատման փուլում են գործընկերների հետ խորհրդակցություններից հետո։ Արձագանքը պետք է լինի միջազգային»,- նշել է Ստոնոն՝ կոչ անելով հետևել այսօր ՄԱԿ-ի Անվտանգության խորհրդում տեղի ունենալիք քննարկումներին, որը նվիրված է լինելու Արցախում տիրող իրավիճակին։
