14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Մարդկությունը բացել է դժոխքի դարպասները․ Գուտերեշ
Քաղաքականություն
21.09.2023 | 23:30
ՄԱԿ-ի գլխավոր քարտուղար Անտոնիո Գուտերեշն ասել է, որ «մարդկությունը բացել է դժոխքի դարպասները»՝ թույլ տալով կլիմայական ճգնաժամի սրումը, հայտնում է The Guardian թերթը։
Գուտերեշը կարծում է, որ «մարդկությունը բացել է դժոխքի դարպասները»՝ առաջացնելով գլոբար տաքացում, ջրհեղեղներ և անտառային հրդեհներ, գրում է պարբերականը։
«Մենք պետք է վերադարձնենք ոչ շտապողականության, ձեռքերը ծալած նստելու և հանածո վառելիքից միլիարդներ վաստակելու՝ մարդկանց մեջ արմատացած մերկ ագահության պատճառով կորցրած ժամանակը»,- ասել է Գուտերեշը ՄԱԿ-ի Գլխավոր վեհաժողովի նիստում ունեցած ելույթում:
Ըստ ՄԱԿ-ի գլխավոր քարտուղարի՝ հարուստ երկրները պետք է մինչ 2040 թվականը հնարավորինս մոտենան արտանետումները զրոյի հասցնելուն, իսկ այս խնդրին, ինչպես ցույց է տվել ՄԱԿ-ի վերջին վերլուծությունը, ոչ բոլորն են հետևում։
«Ամենաաղքատ երկրներից շատերն իրավունք ունեն զայրանալու, որ իրենք ամենաշատն են տուժում կլիմայական ճգնաժամից, որը իրենք չեն ստեղծել, քանի որ խոստացված ֆինանսավորումը երբեք չի տրամադրվել, և որ իրենց վարկերի արժեքը չափազանց բարձր է»,- ասել է Գուտերեշը:
«Մարդկության ապագան մեր ձեռքերում է։ Մենք պետք է արագացնենք տեմպերը, ծրագրերը վերածենք գործողության և շրջենք իրադրությունը»,- հայտարարել է ՄԱԿ-ի գլխավոր քարտուղարը։
