22.03.2026 | 20:03
Փաշինյանը 2-րդ անգամ արցախցի կնոջից ներողություն խնդրեց
Փաշինյանի՝ հետին թվով արդարացում գտնելու ճիգերն անիմաստ են․ Պարույր Հայրիկյան․ ՏԵՍԱՆՅՈՒԹ
Քաղաքականություն
21.09.2023 | 15:17
Հանրապետության հրապարակում մեկնարկել է Պարույր Հայրիկյանի ավանդական ասուլիսը՝ նվիրված սեպտեմբերի 21-ին և աշխարհի կողմից ինքնորոշման սկզբունքի անտեսմանը Արցախում։
«Ես, որպես Հայաստանի անկախության հարցում կարևոր դերակատարություն ունեցած մարդ, մի բան եմ տեսնում՝ աշխարհն ընդունել է, որ ուժի միջոցով կամ ուժի սպառնալիքով որևէ հարցի լուծում օրինական չէ, և դա ՄԱԿ-ի կանոնադրությամբ էլ է ամրագրված։ Ես չեմ հասկանում, թե մեր դիվանագիտությունն ինչու այդ ուղղությամբ քայլեր չի ձեռնարկում։
Խոսում են մարդասիրական վերաբերմունքի մասին, բայց մյուս կողմից հրետակոծությունները, զինվորների ներկայությունը պատերազմի սպառնալիք են, ուժի միջոցով հարցեր լուծելու քայլեր են, որոնք անընդունելի են միջազգային իրավունքի տեսակետից»,- անդրադառնալով Արցախում ստեղծված իրավիճակին և այսօր Եվլախում կայացած Արցախի և Բաքվի ներկայացուցիչների հանդիպմանը։
Հայրիկյանի դիտարկմամբ՝ Ադրբեջանի գործողությունները միայն Արցախի փոքր տարածքի դեմ չեն, այլ ամբողջ աշխարհի․․․ Մինչդեռ աշխարհը լռությամբ ու թողտվությամբ խրախուսում է նրանց քայլերը։
Անդրադառնալով հարցին, թե Փաշինյանն արդյո՞ք պատասխանատվություն իր վրայից փորձում է հեռացնել՝ հայտարարելով, թե կրակի դադարեցման ու ամբողջական զինաթափման մասին ռուս խաղաղապահների առաջարկին համաձայնելը Երևանն ի գիտություն է ընդունում․ այդ տեքստի ձևավորմանը Հայաստանը չի մասնակցել ու քննարկումների կողմ չի եղել, Հայրիկյանը պատասխանեց․ «Նիկոլ Փաշինյանն այնքան անթույլատրելի սխալներ ունի գործած․ մանավանդ անվտանգային ոլորտում, որ նրա տեսակետներն այլևս քննարկելի չեն։ Նա 100 տոկոսանոց հանցագործ է՝ տարբեր ուղղություններով․․․ Փաշինյանը ազգային անվտանգության տեսակետից իրեն ամենավատ դրսևորած անձն է։ Նոյեմբերի 9-ի հետ կապված Փաշինյանի՝ հետին թվով արդարացում գտնելու բոլոր ճիգերն անիմաստ են։ Նա չի կարող չդատվել»։
Մանրամասները՝ տեսանյութում։
