20.06.2026 | 09:30
Էլինա Ավանեսյանն օգնել է Հայաստանի հավաքականին հաղթել Բիլի Ջին Քինգի գավաթի խմբում
Իրանը կվերսկսի թռիչքները Հայաստանի և Ադրբեջանի հետ
Քաղաքականություն
21.09.2023 | 11:31
Իրանի իշխանությունները որոշել են վերսկսել թռիչքները Իրանից Ադրբեջան և Հայաստան։ Այս մասին տեղեկացնում է vestikavkaza.ru-ն։
«Սեպտեմբերի 19-ին Ղարաբաղում հակաահաբեկչական միջոցառումների մեկնարկից հետո Իրանի քաղաքացիական ավիացիայի կազմակերպությունը դադարեցրել էր բոլոր թռիչքները դեպի Ադրբեջան և Հայաստան և հակառակ ուղղությամբ՝ ուղևորների անվտանգության համար»,- ասել է Իրանի քաղաքացիական ավիացիայի կազմակերպության ներկայացուցիչ Ջաֆար Յազերլուն։
Նրա խոսքով, նախօրեին, հաշվի առնելով հակամարտության կարգավորումը, որոշվել է վերսկսել թռիչքները հանրապետությունների հետ։ Նշենք, որ այս պահի դրությամբ «Զվարթնոց» օդանավակայանի կայքում ՀՀ-ից և դեպի ՀՀ այլ թռիչքներ չեղարկված չեն։ Հիշեցնենք, որ երեկ չեղարկվել էին մի շարք այլ ուղղությամբ չվերթներ։
Անժելա Պողոսյան
