15.09.2026 | 20:44
Շախմատի Համաշխարհային օլիմպիադա. Հայաստանի հավաքականը 10-րդն է վարկանիշով
Ուկրաինան զանգվածային հրթիռային հարձակման է ենթարկվել
Քաղաքականություն
21.09.2023 | 12:12
Լուսադեմին պայթյուններ են լսվել Կիևում, Չերկասիում, Խարկովում, ինչպես նաև Լվովի, Խմելնիցկի և Ռիվնե շրջաններում։ Ուկրաինայի ռազմաօդային ուժերը հայտնել են զանգվածային հրթիռային հարձակման մասին, փոխանցում է BBC-ի ռուսական ծառայությունը։
Կիևի քաղաքային ռազմական վարչակազմը հայտարարել է, որ Կիևը հարձակման է ենթարկվել շուրջ 10 Tu-95MS ռազմավարական ինքնաթիռների կողմից, որոնք արձակել են X-101/555/55 տիպի թևավոր հրթիռներ, «ոչնչացվել է ավելի քան 20 թշնամական թիրախ»:
Կիևի քաղաքային ռազմական վարչակազմի ղեկավար Սերգեյ Պոպկոն ասել է, որ «թշնամու թիրախները խոցելու հակաօդային պաշտպանության աշխատանքների արդյունքում մայրաքաղաքի Գոլոսեևսկի և Դառնիցկի շրջաններում բեկորներ են ընկել»։ Ըստ նախնական տեղեկությունների՝ Շևչենկոյի շրջանում բեկորները վնասել են գազատարը, հավելել է նա։
Քաղաքապետ Վիտալի Կլիչկոն հայտնել է, որ Կիևի Դառնիցկի շրջանում յոթ մարդ է վիրավորվել, որոնցից երեքը հոսպիտալացվել են, չորսին օգնություն է ցուցաբերվել տեղում։ Կիևի տարբեր շրջաններում շենքեր են վնասվել բեկորների անկման հետևանքով։
