Հասարակություն
21.09.2023 | 10:23Այսօր՝ առավոտյան Եռաբլուր պանթեոն էին եկել «Քաղաքացիական պայմանագիր» խմբակցության պատգամավորներ Հովիկ Աղազարյանը եւ Հակոբ Ասլանյանը:
Գիշերը Եռաբլուրում անցկացրած «Որդիների կանչ» հասարակական կազմակերպության անդամները նրանց թույլ չեն տվել մտնել պանթեոնի տարածք:
Տեսնելով իշխանական պատգամավորներին՝ 44-օրյա պատերազմում զոհվածների ծնողներն ընդառաջ են գնացել նրանց, հրմշտոց ու քաշքշոց է սկսվել:
ՔՊ-ական պատգամավորները փորձում էին արդարանալ, թե իրենք հարգանքի տուրք են ցանկանում մատուցել, Հակոբ Ասլանյանն ասում էր, որ պանթեոնում թաղված հարազատներ ունի, սակայն ծնողները թույլ չտվեցին, որ նրանք մտնեն պանթեոնի տարածք: Պատգամավորները ոստիկանների ուղեկցությամբ հեռացան։
Մանրամասները՝ տեսանյութում։
