11.12.2024 | 21:17
Հակոբ Ասլանյանը փոշմանել է, բայց արդեն ուշ է․ նա հեռացվեց ՔՊ-ից
Պաշտոնական Բաքուն չի ցանկանում ՄԱԿ-ի ԱԽ նիստ, իսկ էթնիկ զտումը շարունակում է ներկայացնել որպես «ինտեգրացիա»
Քաղաքականություն
20.09.2023 | 19:10
Ադրբեջանի ԱԳՆ-ն այսօր հերթական քարոզչական շոուն է կազմակերպել երկրում օտարերկրյա դիվանագետների համար՝ արդարացնելու Արցախում սեփական ագրեսիան ու էթնիկ զտման քաղաքականությունը։
Ադրբեջանի նախագահի օգնական Հիքմեթ Հաջիևը հայտարարել է, որ վաղը Արցախի հարցով նախատեսված ՄԱԿ-ի Անվտանգության խորհրդի նիստը միայն վնասում է իրավիճակին։
«Սեպտեմբերի 21-ին ՄԱԿ-ի ԱԽ արտահերթ նիստն ավելի շատ վնաս կտա, քան օգուտ։ Եթե նման նիստ տեղի ունենա, ապա մենք մասնակիցներին կներկայացնենք մեր լեգիտիմ մտահոգությունները»,- է Հաջիևը։
Նա շարունակել է կեղծ թեզերով արդարացնել Ադրբեջանի քաղաքականությունը՝ նշելով, թե «Բաքուն ունի Արցախի հայության ինտգրման սոցիալ-տնտեսական պլան, որն արդեն պատրաստ է»։
«Մենք երաշխիքներ ենք ստացել, որ Ղարաբաղում Հայաստանի ԶՈւ-ն կզինաթափվի, կլքի հետակետերը, ամբողջ ռազմական տեխնիկան կտեղափոխվի Ադրբեջան, ծանր տեխնիկան կփոխանցվի ռուս խաղաղապահներին»,- ասել է Հաջիևը։
Հիշեցնենք, որ ՀՀ-ն զինված ուժեր չունի Արցախում։
Էմմա Չոբանյան
