24.07.2026 | 22:09
Ոստիկանները Մարտիրոս բնակավայրի 63-ամյա տղամարդու տանը հայտնաբերել են թմրամիջոց
Կարևոր է, որ չօգտագործվի պատրվակ՝ Ղարաբաղի բնակչության բռնի վտարման համար․ ԵՄ-ն՝ Արցախում իրավիճակի մասին
Քաղաքականություն
20.09.2023 | 17:00
ԵՄ-ն ի գիտություն ընդունում այս պահին Արցախում հաստատված հրադադարը։ Այս մասին հայտարարել է ԵՄ արտաքին ծառայության ներկայացուցիչ Պետեր Ստանոն։
«Մենք ի գիտություն ենք ընդունում Ադրբեջանի պաշտպանության նախարարության վերջին հայտարարությունն այն մասին, որ համաձայնություն է ձեռք բերվել զինադադարի և ռազմական գործողությունների դադարեցման վերաբերյալ: Մենք ակնկալում ենք, որ Ադրբեջանը կդադարեցնի ներկայիս ռազմական գործողությունները», – ասել է Ստանոն՝ հավելելով, որ կարևոր է՝ ներկայիս ռազմական գործողությունը չօգտագործվի որպես պատրվակ Ղարաբաղից տեղի բնակչության բռնի վտարման համար։
«Կարևոր է նաև անմիջապես վերադառնալ Բաքվի և Ղարաբաղի միջև բովանդակալից, ազնիվ և իրական երկխոսությանը: Մենք նաև ի գիտություն ենք ընդունել այն հայտարարությունը, որ նման հանդիպում պետք է կայանա սեպտեմբերի 21-ին», – ասել է ԵՄ պաշտոնյան։
