Քաղաքականություն
20.09.2023 | 12:34
Ադրբեջանի ՊՆ մամուլի ծառայության ղեկավար Անար Էյվազովը հայտարարել է, թե Բաքուն շարունակում է կապի մեջ լինել Արցախում տեղակայված ռուս խաղաղապահների հետ։ Էյվազովը հայտարարել է, որ «չեն գնդակոծել ռուս խաղաղապահների ուղեկցությամբ տարհանվող բնակչությանը» ու հավելել որ ռուսական կողմի հետ շարունակում են աշխատել։
«Հայտարարում եմ, որ մենք մշտապես օպերատիվ կապի մեջ ենք խաղաղապահ զորախմբի հետ և մեր կողմից ստեղծում ենք անհրաժեշտ պայմաններ, որպեսզի նրանք կատարեն իրենց պարտականությունները», – հավելել է ՊՆ ներկայացուցիչը։
Հիշեցնենք, որ ավելի վաղ էլ Բաքուն հայտարարել էր, որ Արցախում ագրեսիայի իրականացման մասին ռուսական կողմին տեղեկացրել է։
