13.10.2026 | 10:54
Մակրոնը հայտնել է, որ ֆրանսիական ռազմածովային ուժերը ռուսական «ստվերային նավատորմի» նավ են կալանել․ ՏԵՍԱՆՅՈՒԹ
Իրանի անվտանգության ուժերը ձերբակալել են ԻՊ-ի ավելի քան 20 գրոհայինի
Քաղաքականություն
06.07.2017 | 17:45
Իրանի անվտանգության ուժերը երկրի հյուսիս-արևելյան Մաշհեդ քաղաքում ձերբակալել են «Իսլամական պետություն» 21 գրոհայինի: Այդ մասին հայտնել է քաղաքի դատախազի տեղակալ Հասան Հեյդարին. փոխանցում է ria.ru-ն:
«Համակարգված և լայնածավալ գործողությունների արդյունքում ձերբակալվել է ԻՊ 21 գրոհային»,- ասել է Հեյդարին:
Հեյդարիի խոսքով՝ ձերբակալվածներից մի քանիսն իրանցիներ են, մյուս մասը՝ Աֆղանստանի քաղաքացիներ, որոնք անցնելով ռազմական պատրաստվածություն՝ կարողացել են Իրան մտնել կեղծ փաստաթղթերով՝ այնտեղ ահաբեկչական հարձակումներ իրականացնելու համար:
Հիշեցնենք, որ հունիսի 7-ին հարձակում էր տեղի ունեցել Իրանի խորհրդարանի շենքում և Իմամ Խոմեյնիի դամբարանում: Հարձակումների պատասխանատվությունը ստանձնել էր «Իսլամական պետություն» խմբավորումը:
