07.10.2026 | 23:48
Արթուր Դանիելյանը կալանավորվեց
Բլինքենը Բաքվին անհապաղ կոչ է անում դադարեցնել ռազմական գործողությունները
Քաղաքականություն
19.09.2023 | 22:15
ԱՄՆ պետքարտուղար Էնթոնի Բլինքենը հայտարարություն է տարածել Արցախում Ադրբեջանի շարունակվող ագրեսիայի վերաբերյալ։
«Միացյալ Նահանգները խորապես անհանգստացած է Լեռնային Ղարաբաղում Ադրբեջանի ռազմական գործողություններով և կոչ է անում Ադրբեջանին անհապաղ դադարեցնել այդ գործողությունները։ Այս գործողությունները վատթարացնում են առանց այն էլ սարսափելի մարդասիրական իրավիճակը Լեռնային Ղարաբաղում և խաթարում խաղաղության հեռանկարները»,-ասվում է հայտարարությունում։
Նշվում է, որ ուժի կիրառումը խնդրի լուծում չէ։
«Ինչպես մենք նախկինում հստակեցրել ենք Ադրբեջանի համար, վեճերը լուծելու համար ուժի կիրառումն անընդունելի է և հակասում է տարածաշրջանում արդար և արժանապատիվ խաղաղության համար պայմաններ ստեղծելու ջանքերին: Մենք կոչ ենք անում անհապաղ դադարեցնել ռազմական գործողությունները և հարգալից երկխոսություն սկսել Բաքվի և Լեռնային Ղարաբաղի բնակչության ներկայացուցիչների միջև»,-ասվում է Պետքարտուղարության հայտարարության մեջ։
