27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Ալիևի աշխատակազմն Արցախի իշխանություններին Եվլախում հանդիպման է հրավիրել, նաև ագրեսիան դադարեցնելու պայման առաջադրել
Քաղաքականություն
19.09.2023 | 18:57
Ադրբեջանի նախագահ Իլհամ Ալիևի աշխատակազմը հայտարարություն է տարածել այն մասին, որ Արցախի ներկայացուցիչներին հրավիրում է Եվլախ՝ հանդիպման, բայց դա կարող է տեղի ունենալ Բաքվի «պայմանների կատարումից հետո»։
«Ադրբեջանի նախագահի աշխատակազմը հայտարարում է, որ մեր երկիրը պատրաստ է հանդիպել Ղարաբաղի շրջանի հայ ներկայացուցիչների հետ Եվլախում, սակայն հակաահաբեկչական միջոցառումները դադարեցնելու համար հայկական անօրինական զինված խմբավորումները պետք է սպիտակ դրոշ բարձրացնեն, հանձնեն զենքերը, իսկ անօրինական ռեժիմը պետք է լուծարվի։ Հակառակ դեպքում՝ գործողությունները կշարունակվեն»,- ասվում է հաղորդագրության մեջ։
Հիշեցնենք, որ ավելի վաղ Արցախի իշխանություններն ադրբեջանական կողմին կոչ էին արել դադարեցնել ռազմական գործողություններն ու նստել բանակցությունների սեղանի շուրջ։
Էմմա Չոբանյան
