Ադրբեջանի նպատակը Հայաստանին ռազմական գործողությունների մեջ ներքաշելն է․ Փաշինյանը՝ Արցախում իրավիճակի մասին․ ՏԵՍԱՆՅՈՒԹ

Ադրբեջանն ակնհայտորեն ցույց է տալիս ԼՂ-ի հայության էթնիկ զտման գործողության մեկնարկ։

Այս պահին ՀՀ սահմանների երկայնքով իրադրությունը հարաբերականորեն կայուն է, այսինքն՝ իրադրության տեսանելի և էական փոփոխություն մենք չունենք: Այս մասին հայտարարեց ՀՀ վարչապետ Նիկոլ Փաշինյանը՝ ուղիղ եթերով անդրադառնալով Արցախի Հանրապետության նկատմամբ Ադրբեջանի ագրեսիային։

«Բայց ինչպես ասել եմ և ասում եմ հիմա, այս գործողության հիմնական և առանցքային թիրախը Հայաստանին ռազմական գործողությունների մեջ ներքաշելն է»,- նշեց Փաշինյանը։

Վարչապետը նաև տեղեկացրեց, որ ադրբեջանական որոշ ԶԼՄ-ներ լուրեր են տարածում, թե հարվածներ են հասցնում ՀՀ ԶՈՒ ստորաբաժանումների ուղղությամբ՝ նկատի ունենալով ԼՂ-ն:

«Ցավոք, այս նույն տեղեկատվությունը կրկնում են նաև մեր մի շարք գործընկերներ, որոնք ասում են, որ Հայաստանին և Ադրբեջանին կոչ ենք անում դադարեցնել ռազմական գործողությունները:
Ուզում եմ արձանագրել, որ ՀՀ-ն ռազմական գործողությունների մեջ ներքաշված չէ, և ուզում եմ հերթական անգամ արձանագրել, որ ՀՀ-ն ԼՂ-ում բանակ չունի:

Նաև մեր հանրության ուշադրությունն եմ ուզում հրավիրել ներքին ու արտաքին մի շարք ուժերի վրա, որոնք ուզում են Հայաստանը ներքաշել լայնածավալ ռազմական գործողությունների մեջ:
Մենք մեր դիրքորոշմամբ արձանագրում ենք, որ ՀՀ-ին ռազմական էսկալացիայի մեջ ներքաշելու փորձերը մեզ համար անընդունելի են, և մենք կառավարելու ենք այս գործընթացը»,- նշեց Փաշինյանը:

Մանրամասները՝ տեսանյութում։