07.10.2026 | 23:48
Արթուր Դանիելյանը կալանավորվեց
Զախարովան հույս է հայտնել, որ Արցախ հումանիտար մատակարարումները կշարունակվեն և կմեկնարկի Բաքու-Ստեփանակերտ երկխոսությունը
Քաղաքականություն
18.09.2023 | 17:36
Մոսկվան ակնկալում է սեպտեմբերի 18-ին Լեռնային Ղարաբաղի բնակիչներին առաքումից հետո մարդասիրական մատակարարումների անխոչընդոտ շարունակականություն։ ՌԴ-ն նաև հույս ունի, որ հումանիտար իրավիճակի աստիճանական բարելավումը պայմաններ կստեղծի Բաքվի ևՍտեփանակերտի երկխոսության համար։ Այս մասին հայտարարել է ՌԴ պաշտոնական ներկայացուցիչ Մարիա Զախարովան, փոխանցում է ՏԱՍՍ-ը։
«Սեպտեմբերի 18-ին Կարմիր Խաչի միջազգային կոմիտեի ջանքերով, ռուսական խաղաղապահ զորակազմի և ՌԴ ԱԳՆ-ի մասնակցությամբ, երկու ուղղություններից միաժամանակ պարենամթերքի և դեղորայքի խմբաքանակներ են առաքվել տարածաշրջան։ Ակնկալում ենք անխոչընդոտ և կանոնավոր մարդասիրական մատակարարումների շարունակություն՝ ելնելով տեղի բնակչության շահերից։ Հուսով ենք, որ Լեռնային Ղարաբաղում հումանիտար իրավիճակի աստիճանական բարելավումը պայմաններ կստեղծի Բաքվի և Ստեփանակերտի միջև երկխոսություն սկսելու համար»,- ասվում Զախարովայի հայտարարության մեջ։
Հիշեցնենք, որ այսօր Արցախի տեղեկատվական շտաբը հայտնել էր, որ Լաչինի միջանցքով և Ակնա-Ստեփանակերտ ճանապարհով հումանիտար բեռներ են տեղափոխվել Արցախ։
Էմմա Չոբանյան
