30.05.2026 | 16:48
Հանրապետության տոնի առթիվ ՀՀ հակակոռուպցիոն կոմիտեի նախագահի հրամանով մի շարք ծառայողներ են պարգևատրվել
Ղազախստանը գաղտնազերծել է բռնաճնշումների զոհերի ավելի քան 2,4 մլն արխիվային քարտ
Քաղաքականություն
18.09.2023 | 22:38
Ղազախստանի իշխանությունները գաղտնազերծել են 1929-1956 թվականների քաղաքական բռնաճնշումների զոհերի ավելի քան 2,4 միլիոն արխիվային քարտեր։ Այս մասին հայտնել են երկրի Գլխավոր դատախազության մամուլի ծառայությունից, գրում է DW-ի ռուսական ծառայությունը։
«Ղազախստանում գաղտնազերծվել են ավելի քան 2,4 միլիոն արխիվային քարտեր՝ կապված 1929-1956 թվականների քաղաքական բռնաճնշումների զոհերի հետ, նախագահական արխիվ է փոխանցվել հատուկ վերաբնակիչների 251 հազար գործ, որից հետո դրանք հասանելի կլինեն շահագրգիռ կողմերին։ Մինչև տարեվերջ կփոխանցվի 265 հազար գործ։ Վտարանդիներից, հատուկ վերաբնակներից և քրեական պատասխանատվության ենթարկվածներից 311 հազար մարդ վերականգնվել է»,- մեջբերում է գերատեսչության հայտարարությունը ՏԱՍՍ լրատվական գործակալությունը։
2020 թվականի նոյեմբերի 24-ին Ղազախստանի նախագահ Կասիմ-Ժոմարտ Տոկաևը հրամանագիր է ստորագրել քաղաքական բռնաճնշումների զոհերի լիարժեք վերականգնման պետական հանձնաժողով ստեղծելու մասին։
Առաջին նիստում՝ 2020 թվականի դեկտեմբերի 3-ին, հանձնաժողովի նախագահ, Ղազախստանի պետքարտուղար Կրիմբեկ Կուշերբաևը հայտարարել է, որ հանձնաժողովի հիմնական խնդիրն է «վերականգնել պատմական արդարությունը Խորհրդային Միության ժամանակաշրջանում քաղաքական բռնաճնշումների զոհերի բոլոր կատեգորիաների համար»։
