24.07.2026 | 22:09
Ոստիկանները Մարտիրոս բնակավայրի 63-ամյա տղամարդու տանը հայտնաբերել են թմրամիջոց
Հաագայի դատարանը սկսում է ՌԴ-ի դեմ Ուկրաինայի հայցով լսումները
Քաղաքականություն
18.09.2023 | 12:30
Հաագայում ՄԱԿ-ի Արդարադատության միջազգային դատարանը սկսում է ՌԴ-ի դեմ Ուկրաինայի հայցի լսումները։ Հայցը Կիևը ներկայացրել էր անմիջապես այն բանից հետո, երբ անցյալ տարի ռուսական զորքերը ներխուժել էին երկիր, գրում է BBC-ի ռուսական ծառայությունը։
Կիևը պահանջում է Մոսկվային պատասխանատվության ենթարկել «ցեղասպանություն» հասկացության խեղաթյուրման համար՝ Ուկրաինայի վրա հարձակումը արադարացնելու համար։
ՌԴ-ն հայտարարել էր, որ փորձել է կանխել ցեղասպանությունը Ուկրաինայի արևելքում։ Կիևը հերքում է այդ պնդումները։ Ռուսաստանը պնդում է, որ Արդարադատության միջազգային դատարանը իրավասություն չունի այս գործով, քանի որ կոնվենցիան չի կարգավորում պետությունների միջև ուժի կիրառումը:
Սեպտեմբերի 18-27-ը տեղի են ունենալու հանրային լսումներ Ռուսաստանի կողմից ներկայացված նախնական առարկությունների վերաբերյալ։ Դրանք անցկացվելու են երկու փուլով․ սեպտեմբերի 18-ին և 25-ին ելույթ է ունենալու Ռուսաստանի ներկայացուցիչը, 19-ին և 27-ին՝ Ուկրաինայի։
Բացի Ուկրաինայից և Ռուսաստանից, գործընթացին մասնակցում են ՄԱԿ-ի 32 այլ երկրներ, այդ թվում՝ Գերմանիան, Ավստրիան, Սլովակիան, Չեխիան, Բելգիան, Էստոնիան, Ֆինլանդիան, Իռլանդիան, Ավստրիան, Լյուքսեմբուրգը, Շվեդիան, Բուլղարիան, Կանադան և Ավստրալիան։ Նրանց ներկայացուցիչերը ևս ելույթ են ունենալու լսումների ընթացքում։
