06.06.2026 | 11:21
ԿԸՀ-ն բավարարել է պատգամավորի 6 թեկնածուի անձեռնմխելիությունից զրկելու միջնորդությունը. նրանց ձերբակալելու որոշում է կայացվել
Եթե բանակցվող պայմանագրով Արցախը հանձնվի, ապա տևական խաղաղություն չի լինելու․ Քերոլայն Քոքս․ ՏԵՍԱՆՅՈՒԹ
Քաղաքականություն
15.09.2023 | 15:38
Հայաստանը մեկուսացված է եւ զուրկ է զգալի միջազգային աջակցությունից։ Նույնիսկ ձեր ամենամտերիմ դաշնակիցները չեն արձագանքել ձեր ժողովրդին հասցված տառապանքներին։ Այս մասին Հայաստանում լրագրողների հետ հանդիպման ժամանակ ասաց Մեծ Բրիտանիայի խորհրդարանի Լորդերի պալատի անդամ, բարոնուհի Քերոլայն Քոքսը։
Նրա դիտարկմամբ՝ առանց հայկական Արցախի Հայաստանի գոյությունն էլ ավելի կվտանգվի, քան վտանգված է այսօր։
«Մենք ծանր սրտով պետք է ասենք, որ Հայոց ցեղասպանությունը, հավանաբար, չի ավարտվել։ Կան մարդիկ, ովքեր ցանկանում են Ցեղասպանությունն ավարտին հասցնել։ Եվ կան մարդիկ, ովքեր չեն կարող կամ չեն ցանկանում դադարեցնել դա։
Եթե պայմանագրի ստորագրման արդյունքում, որի շուրջ բանակցում են Հայաստանն ու Ադրբեջանը, Արցախը հանձնվի, ապա այդ փաստաթուղթը տեւական խաղաղություն չի երաշխավորում։ Ալիեւը Հայաստանը ճանաչում է որպես Ադրբեջանի մաս։
Ադրբեջանական զինուժը ներխուժել է Հայաստանի ինքնիշխան տարածք։ Ընդ որում, Ադրբեջանի հանցագործություններն ու վայրագությունները մնում են անպատիժ»,- նշեց Քոքսը՝ համայն հայությանը կոչ անելով պայքարել Արցախի համար։
Մանրամասները՝ տեսանյութում։
