08.04.2026 | 13:48
Ձերբակալվել է Աշխատանքի և սոցիալական հարցերի նախկին նախարար Արտեմ Ասատրյանը
Ինչ է կատարվում Կառավարության լրատվականում և ինչու են խառնում իրադարձությունների ժամկետները
Քաղաքականություն
18.07.2018 | 12:11
Կառավարության լրատվականն սկսել է աչքի ընկնել տարակուսելի գործելաոճով ու բացթողումներով։ Եթե նախկինում գործադիրի լրատվական ծառայության աշխատակիցները տարածում էին պաշտոնական հաղորդագրություն, որից հետո առանց այն հրապարակած ԶԼՄ-ներին տեղեկացնելու իրենց կայքում կատարում էին փոփոխություն այդ հաղորդագրության մեջ, որի արդյունքում ԶԼՄ-ներում հրապարակվածի և Կառավարության կայքում տեղադրվածի միջև ստացվում էր անհամապատասխանություն, հիմա, պարզվում է, որ Կառավարության լրատվականի աշխատակիցները խառնում են վարչապետի որոշումները կայքում տեղադրելու ժամկետները։
Ասվածի ապացույցն, օրինակ, e-gov.am կայքի՝ վարչապետի որոշումներ բաժնի խառնաշփոթ վիճակն է։ Եվ այսպես՝ 2018 թվականի հուլիսի երկուսին մահացավ ՀՀ մշակույթի վաստակավոր գործիչ Նադեժդա Սարգսյանը։ ՀՀ վարչապետի որոշմամբ՝ հուլիսի 3-ին արդեն ստեղծվել էր Նադեժդա Սարգսյանի հուղարկավորության կազմակերպման Կառավարական հանձնաժողով:
Անհասկանալի է, սակայն, թե ինչու է Կառավարության կայքում այս Կառավարական հանձնաժողովի ստեղծման, հանձնաժողովի կազմի մասին վարչապետի որոշումը հրապարակվում այն ընդունելուց 13 օր անց՝ հուլիսի 16-ին։
Նշենք ևս մեկ բացթողում՝ հուլիսի 14-18-ը առաջին փոխվարչապետ Արարատ Միրզոյանի գլխավորությամբ հայկական պատվիրակությունը գտնվում է ԱՄՆ-ում, իսկ այդ մասին վարչապետի որոշումը Կառավարության կայքում հրապարակվեց դարձյալ ուշացումով՝ հուլիսի 16-ին։
Եվ հիմա, Կառավարության լրատվական ծառայությունից օգտվող լրատվամիջոցների մոտ հարց է առաջանում՝ ի՞նչ է սա անփույթ աշխատանքի արդյունք, թե՞ աշխատանքի բացակայություն՝ առհասարակ։
Աղավնի Սուքիասյան
