16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Ադրբեջանին մեր տրամադրած որևէ օգնություն երբեք չպետք է օգտագործվի ընդդեմ ՀՀ-ի․ Յուրի Քիմ. ՏԵՍԱՆՅՈՒԹ
Քաղաքականություն
14.09.2023 | 21:04
Պետքարտուղար Բլինքենը հստակ հասկացրել է, որ մարդու իրավունքների պաշտպանությունն ու մեր արժեքները ԱՄՆ-ի արտաքին քաղաքականության կենտրոնում է ցանկացած երկրի, այդ թվում՝ Ադրբեջանի հետ շփումներում։ Այս մասին ԱՄՆ Սենատում «Լեռնային Ղարաբաղում ճգնաժամի գնահատում» խորագրով լսումների ժամանակ հայտարարեց Եվրոպայի և Եվրասիայի հարցերով պետքարտուղարի տեղակալի պաշտոնակատար Յուրի Քիմը՝ շեշտելով, որ Ադրբեջանին հատկացված ռազմական օգնության առումով ԱՄՆ-ի համար կարևոր է, որ այդ օգնությունը չօգտագործվի ընդդեմ ՀՀ-ի։
«Մեզ համար հրամայական է ռազմավարական հարաբերություններ զարգացնել ինչպես Հայաստանի, այնպես էլ Ադրբեջանի հետ: Այս առումով մենք պետք է համոզված լինենք երկու բանում․ մեր տրամադրած որևէ օգնությունը երբևէ չպետք է օգտագործվի ՀՀ-ի դեմ ռազմական գործողություններում, և երկրորդ՝ դա ԱՄՆ-ի շահերից բխող գործողություն էր»,- նշեց նա:
Անդրադառնալով ՀՀ-ին տրամադրված օգնությանը՝ Քիմն ասաց, որ այն հատկացվել է, որպեսզի ՀՀ-ն ազդեցիկ գործոն դառնա Իրանի հետ սահմանին, և սա մեծ ազդեցություն է ունեցել թմրանյութերի դեմ պայքարի առումով։
Մանրամասները՝ տեսանյութում։
