23.11.2024 | 15:55
Իսրայելի օդուժը հարվածներ է հասցրել Բեյրութի կենտրոնին ու արվարձաններին
Եվրախորհրդարանն Ադրբեջանի դեմ քաղաքական բռնաճնշումները դատապարտող բանաձև է ընդունել
Քաղաքականություն
14.09.2023 | 22:52
Եվրախորհրդարանն Ադրբեջանի դեմ բանաձև է ընդունել երկրում քաղաքական բռնաճնշումների ու քաղբանտարկյալների վերաբերյալ՝ ընդդիմադիր գործիչ ու տնտեսագետ Գուբադ Իբադօղլուի կալանավորման գործի շրջանակում։
Փաստաթուղթը դատապարտում է Իբադօղլուի քրեական հետապնդումը շինծու և քաղաքական դրդապատճառներով մեղադրանքներով ու կոչ է անում պատժամիջոցներ սահմանել ադրբեջանցի պաշտոնյաների դեմ, որոնք կոպտորեն խախտել են մարդու իրավունքները՝ ԵՄ Գլոբալ պատժամիջոցների ակտի համաձայն:
Ներկա 569 պատգամավորից բանաձևին կողմ է քվեարկել 539-ը, 24-ը ձեռնպահ է մնացել, 6-ը՝ դեմ է քվեարկել։
Եվրախորհրդարանի պատգամավոր, անվտանգության և պաշտպանության հարցերով ենթահանձնաժողովի նախագահ Նատալի Լուազոն անդրադարձել է բանաձևի ընդունմանը։
«Եվրախորհրդարանում շատ ուժեղ մեծամասնությունը պաշտպանել է իմ համահեղինակած բանաձևը, որը դատապարտում է Ադրբեջանում տեղի ունեցող բռնաճնշումները, մասնավորապես, հարգված տնտեսագետ Գուբադ Իբադօղլուի և Ֆրանսիայում ապաստանած բլոգեր Մուհամադ Միրզալիի, որը ենթարկվել է հալածանքների»,- գրել է նա X-ի իր էջում։
Էմմա Չոբանյան
