24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Ռուս օլիգարխները ԵՄ-ից շուրջ 50 միլիարդ դոլարի ակտիվ են դուրս բերել․ Bloomberg
Քաղաքականություն
14.09.2023 | 22:14
Ռուսաստանցի օլիգարխները, միջազգային պատժամիջոցների ճնշման ներքո, տասնյակ միլիարդավոր ակտիվներ են դուրս բերել Եվրոպայից՝ Ռուսաստանի Դաշնության կողմից Ուկրաինա լայնամասշտաբ ներխուժումից հետո: Այս մասին հայտնում է Bloomberg-ը։
Նշվում է, որ անցյալ ամիս United Medical Group CY Plc-ի և MD Medical Group Investments Plc-ի բաժնետերերը, որոնք վերահսկվում են մագնատներ Իգոր Շիլովի և Մարկ Կուրցերի կողմից, հավանություն են տվել ընկերությունների տեղափոխմանը Կիպրոսից Ռուսաստան։
Այսպիսով, 2022 թվականի փետրվարից ամենահարուստ ռուսաստանցիների կողմից փոխանցված ակտիվների ընդհանուր արժեքը հասնում է առնվազն 50 միլիարդ դոլարի։
Սա խախտում է ռուս միլիարդատերերի տասնամյակների պրակտիկան՝ իրենց ակտիվները պահելու Եվրոպայում՝ օգտվելով ներդրողների համար հարմարավետ իրավական համակարգերից, արտարժույթով շահաբաժիններ ստանալու հնարավորությունից և ցածր հարկերից:
Այժմ ամենահարուստ ռուսներն ավելի ու ավելի քիչ տեղեր ունեն իրենց հարստությունը ներդնելու համար, քանի որ շատերը գտնվում են ԱՄՆ-ի, Մեծ Բրիտանիայի կամ Եվրոպայի պատժամիջոցների տակ:
Կիպրոսի, Ջերսիի և Շվեյցարիայի նման վայրերում գրանցված ակտիվների փոխանցումը Ռուսաստանին և Կրեմլի կողմից բարեկամ համարվող երկրներին, մասնավորապես՝ Արաբական Միացյալ Էմիրություններին և Ղազախստանին, սկսվել է Ուկրաինա լայնամասշտաբ ներխուժումից անմիջապես հետո:
