24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
Մեքսիկայի Կոնգրեսի նիստում «այլմոլորակային» արարածների մարմիններ են ցուցադրվել
Քաղաքականություն
14.09.2023 | 23:17
Մեքսիկայի Կոնգրեսի հատուկ նիստում ցուցադրվել են երկու ենթադրյալ «այլմոլորակային» արարածների մարմիններ, գրում է Euronews-ը։
Քարացած մարմինները ցուցադրվել են ապակե ցուցափեղկերում՝ լրագրող և ՉԹՕ ուսումնասիրող գիտնական Հայմե Մաուսանի կողմից։ Նա պնդում է, որ դրան 1000 տարեկան են։
«Այս նմուշները մեր աշխարհի էվոլյուցիայի մաս չեն կազմում: Դրանք չեն հայտնաբերվել ՉԹՕ-ի բեկորներից: Դրանք հայտնաբերվել են դիատոմային մամուռի հանքում քարացած վիճակում»,- ասել է նա:
Գիտնականի խոսքով՝ նմուշները վերլուծվել են Մեքսիկայի Ազգային ինքնավար համալսարանում, գիտնականները, որոնք կարողացել են ԴՆԹ-ի նմուշներ ստանալ, օգտագործել են ռադիոածխածնային անալիզ՝ նրանց տարիքը որոշելու համար։ Չնայած ինտենսիվ ուսումնասիրություններին՝ պարզվել է, որ բրածոները պատված են եղել ավազի շերտով։
«Մենք մենակ չենք հսկայական տիեզերքում, մենք պետք է ընդունենք այս իրականությունը»,- ասել է Մաուսենը։
Նիստի ընթացքում նրան ուղեկցել են ամերիկացի նախկին օդաչու Ռայան Գրեյվսն ու Հարվարդի համալսարանի աստղաֆիզիկայի պրոֆեսոր Ավի Լյոբը։ Գրեյվսը նաև ապացույցներ է ներկայացրել հուլիսին ԱՄՆ Կոնգրեսում այս թեմայով անցկացված լսումների ժամանակ:
Էմմա Չոբանյան
