30.05.2026 | 18:00
Կարո՞ղ է ծրագիրը տեսնել քո քվեն. ի՞նչ կա «Զանավեսի» հետևում. ԱՉՔԻ ՏԱԿ. ՏԵՍԱՆՅՈՒԹ
Ի՞նչ մեխանիզմով են շրջանցելու Պուտինին կալանավորելու որոշումը. Գրիգոր Մինասյանի պարզաբանումը․ ՏԵՍԱՆՅՈՒԹ
Հասարակություն
14.09.2023 | 13:17
Հռոմի ստատուտի վավերացման նախագիծը միտված է միայն մեր ինքնիշխան տարածքում նոր քրեաիրավական միջազգային լծակների ավելացմանը և ուղղված է միայն մեր պետական շահին։ Այս մասին լրագրողների հետ ճեպազրույցի ժամանակ նշեց Արդարադատության նախարար Գրիգոր Մինասյանը։
Անդրադառնալով հարցին՝ վավերացման դեպքում ՌԴ նախագահ Վլադիմիր Պուտինի՝ Հայաստան ժամանելու դեպքում ձերբակալելո՞ւ են արդյոք նրան, Մինասյանը պատասխանեց․ «Ստատուտը հնարավորություն է տալիս միջազգային քրեական դատախազական ու դատական համակարգին ՝ ՀՀ-ի հանդեպ իրականացված ռազմական հանցագործությունները քննել, վեր հանել ու դա լավ պաշտպանողական քննչական գործիք է, որից ափսոս էր, որ մեր պետությունը չօգտվի»։
Հարցին՝ այդ պարագայում ՌԴ նախագահ Վլադիմիր Պուտինին համարո՞ւմ են հանցագործ, Մինասյանը պատասխանեց, որ իրավական տեսանկյունից այդ հարցը որևէ կապ չունի Հռոմի ստատուտի հարցի հետ։ «Իրավական առումով Հռոմի ստատուտն անպայման վավերացվելու է, այդ նախագծի հաստատումը կառավարության կողմից ու ԱԺ-ի ընդունումը ոչ մի կապ չունի ՌԴ-ի հետ կապված իրադարձությունների հետ, դա մեր պաշտպանական գործիքակազմն է»,- նշեց նախարարը։
Մանրամասները՝ տեսանյութում։
