30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Նախնական համաձայնություն կա․ Արարատ Միրզոյանը՝ Գրանադայում Փաշինյանի և Ալիևի մասնակցությամբ հնգակողմ հանդիպման մասին․ ՏԵՍԱՆՅՈՒԹ
Քաղաքականություն
13.09.2023 | 19:17
Հայաստանի արտգործնախարար Արարատ Միրզոյանը չի բացառում, որ հոկտեմբերի 5-ին Գրանադայում կարող են կայանալ Նիկոլ Փաշինյանի բանակցությունները Իլհամ Ալիևի հետ՝ Եվրոպական քաղաքական համայնքի գագաթնաժողովի շրջանակներում՝ Շառլ Միշելի, Էմանուել Մակրոնի և Օլաֆ Շոլցի մասնակցությամբ
«Մի առիթով արդեն ասել եմ, որ հանդիպումների և բանակցությունների առաջարկ, արդեն գոյություն ունեցող հարթակներով, գրեթե մշտապես կա:
Հիմա չեմ կարող հերքել, որ այդպիսի նախանշված պայմանավորվածություններ ևս կան:
Վերջին անգամ վարչապետի բրյուսելյան այցից հետո ևս հայտարարվեց, որ նախատեսվում են էլի հանդիպումներ՝ առաջնորների մասնակցությամբ, այդ թվում եվրոպական քաղաքական համայնքի շրջանակներում՝ այս անգամ հոկտեմբերին։
Նաև նախնական պայմանավորվածություններ կայնի նախարարների մակարդակով հանդիպումների և բանակցությունների մասին։
Այս պահին կարող եմ ասել, որ որևէ կոնկրետ հանդիպման վերաբերյալ պայմանավորվածություն չկա, կան նախնական համաձայնություններ և քննարկումներ»,- այսօր ԱԺ-Կառավարություն հարցուպատասխանի ժամանակ նշեց նախարարը:
Մանրամասները՝ տեսանյութում։
