24.06.2026 | 18:46
Ավետիք Չալաբյանը երկու ամսով կալանավորվեց
Մասկը հրաժարվել է Ղրիմում միացնել Starlink-ը ԱՄՆ պատժամիջոցների պատճառով
Քաղաքականություն
13.09.2023 | 23:30
Ամերիկյան SpaceX ընկերության ղեկավար Իլոն Մասկը հայտնել է, որ Ղրիմում չի միացրել Starlink արբանյակային կապի համակարգը՝ Ռուսաստանի դեմ ԱՄՆ պատժամիջոցների պատճառով։ YouTube-ում տեղադրվել է All-In Summit տեխնոլոգիական համաժողովի տեսանյութը՝ Մասկի բացատրություններով, փոխանցում է DW-ի ռուսական ծառայությունը։
Մասկի խոսքով՝ Ուկրաինան նախապես Ղրիմի համար մուտք չի խնդրել, դիմումը ստացվել է փաստացի «գիշերվա կեսին»։ Նա ընդգծել է, որ SpaceX-ն իրավունք չունի գործունեություն ծավալել Ղրիմում, քանի որ Ռուսաստանին բռնակցված թերակղզում տարածվում են ԱՄՆ-ի պատժամիջոցները։
«Եթե ԱՄՆ նախագահից ուղղակի հրահանգ լիներ համակարգը միացնելու մասին, ես դա կանեի, բայց նման հրաման չի ստացվել»,- ասել է Իլոն Մասկը։
Ավելի վաղ էլ նա հերքել էր ամերիկյան CNN-ի հրապարակումը, թե SpaceX-ը միտումնավոր անջատել է Starlink-ը Ղրիմում՝ կանխելու Ուկրաինայի հարձակումը Սևաստոպոլի ռուսական նավատորմի վրա։
Էմմա Չոբանյան
