12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Իրանը ռազմական տեխնիկա է տեղակայում Իրաքի հետ սահմանին. ԼՈւՍԱՆԿԱՐՆԵՐ
Քաղաքականություն
13.09.2023 | 22:47
Իսլամական հեղափոխության պահապանների կորպուսը (ԻՀՊԿ, Իրանի Զինված ուժերի էլիտար ստորաբաժանումներ) տեխնիկա և զենք է տեղափոխում Իրաքի հետ սահման, քանի որ մոտենում է վերջնաժամկետը, որի ընթացքում Բաղդադը պետք է զինաթափեր Իրաքյան Քուրդիստանում տեղակայված քրդական խմբավորումներին, որոնց Թեհրանն ահաբեկչական է համարում։ Այս մասին գրում է իրանական Tasnim գործակալությունը։
Օգոստոսի վերջին Իրանի ԱԳՆ-ն հայտարարել էր, որ իրաքյան իշխանությունները պարտավորվել են զինաթափել Իրաքյան Քուրդիստանում տեղակայված խմբերին, որոնց Իրանը համարում է ահաբեկչական։
«Այն բանից հետո, երբ Իրանը վերջնագիր ներկայացրեց Իրաքին՝ զինաթափելու Քուրդիստանի տարածքում ահաբեկչական խմբավորումներին, գործակալությունը մեր երկրի քաղաքացիներից ստացել է տեսանյութեր և լուսանկարներ, որոնք ցույց են տալիս, թե ինչպես են Իսլամական հեղափոխության պահապանների կորպուսի ցամաքային ուժերն իրենց զրահատեխնիկան ուղարկում Իրաքի հետ սահման»,- ասվում է հաղորդագրության մեջ։
Գործակալության կողմից հրապարակմանը կցված տեսանյութում երևում է, որ մայրուղու երկայնքով տանկեր, հետևակի մարտական մեքենաներ, հրթիռային համակարգեր և այլ տեսակի իրանական զրահատեխնիկա են տեղափոխում։
Չորեքշաբթի Իրաքի ԱԳՆ ղեկավարը ժամանել է Թեհրան, որտեղ իրանցի գործընկերոջ հետ բանակցություններում քննարկել է Արաբական Հանրապետության հյուսիսում քրդական խմբավորումների զինաթափման, ինչպես նաև դրա իրականացման ժամկետների հետ կապված հարցեր։
