16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Սամվել Բաբայանի հետ անցնելու ճանապարհ չունենք, եթե նա Բակո Սահակյանի հրաժարականը չի պահանջում. Հայկ Խանումյան․ ՏԵՍԱՆՅՈՒԹ
Հասարակություն
17.07.2018 | 21:13
Ազգային Վերածունդ կուսակցությունը մեկամսյա դադարից հետո եռօրյա հանրահավաքներ է անցկացնում Ստեփանակերտում։
«Շատերն են հարցնում, թե մենք ի՞նչ ենք ուզում, ինչու՞ ենք Բակոյի հրաժարականը պահանջում, ի՞նչ կլինի երկու տարի էլ սպասենք, մինչև Բակոն գնա և այլն: Այս բոլոր հարցերի պատասխանը կարող եք ստանալ հուլիսի 17-ին Շառլ Ազնավուրի անվան մշակույթի տան հարակից տարածքում: Հանրահավաքն արտոնված է քաղաքապետարանի կողմից»,- իր ֆեյսբուքյան էջում գրել է կուսակցության նախագահ Հայկ Խանումյանը:
«Իշխանական եւ ոչ իշխանական տարբեր գործիչներ հայտարարել են, որ Բակո Սահակյանին պետք է տրվի հնարավորություն, որ մինչեւ 2020 թվականը նա պետք է պաշտոնավարի: Մեր կուսակցության կարծիքով այդ պնդումները պարզապես անընդունելի են», – այսօր Ստեփանակերտում տեղի ունեցած հանրահավաքի ժամանակ ասել է «Ազգային վերածնունդ» կուսակցության գործադիր մարմնի անդամ Տիգրան Գրիգորյանը:
«Մենք պահանջում ենք Բակո Սահակյանի հրաժարականը: Սամվել Բաբայանը գտնում է, որ հիմա Բակո Սահակյանը պետք չէ հրաժարական տա, նշանակում է մենք իրար հետ ճանապարհ չունենք: Նախկինում մենք պաշտպանել ենք սպառազինությունների ծրագիրը, որը ներկայացրել է Բաբայանը, այժմ էլ պատրաստ ենք այդ ծրագիրը առաջ մղել: Բայց մենք հստակ գիտակցում ենք, որ երկրում առկա խնդիրների գլխավոր պատճառներից մեկը Բակո Սահակյանն է, ով Սահմանադրությունը փոխել է սեփական իշխանության վերարտադրության համար: Եթե կան մարդիկ, ովքեր գտնում են, որ խնդիրը Բակո Սահակյանը չէ եւ նա պետք է շարունակի պաշտոնավարել, մենք նրանց հետ նույն քաղաքական օրակարգը չունենք», – ասել է Խանումյանը
