15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Իրանի պաշտպանության նախարարը բացառել է Հայաստանի և Ադրբեջանի միջև պատերազմի բռնկումը
Քաղաքականություն
13.09.2023 | 13:53
Իրանի պաշտպանության նախարար, բրիգադի գեներալ Մոհամմադ Ռեզա Աշտիանին բացառել է Կովկասում պատերազմի բռնկման հավանականությունը՝ Ադրբեջանի և Հայաստանի միջև լարվածության աճի մտահոգության ֆոնին։ Այս մասին գրում է Tasnim գործակալությունը։
Կառավարության նիստից հետո լրագրողների հետ զրույցում նախարարն անդրադարձել է Կովկասում զարգացումների շուրջ մտահոգություններին։
«Մենք կարծում ենք, որ տարածաշրջանում պատերազմ չի սկսվի։ Մենք չենք ընդունի սահմանների որևէ փոփոխություն։ Այն գործընթացը, որը մենք տեսնում ենք, ցույց է տալիս, որ հատուկ իրադարձություն տեղի չի ունենա»,- ասել է Իրանի պաշտպանության նախարարը։
Ավելի վաղ էլ Իրանի ԱԳՆ խոսնակը հայտարարել էր, որ Թեհրանն ուշադիր հետևում է տիրող իրավիճակին և կապի մեջ է Հայաստանի ու Ադրբեջանի ղեկավարության հետ։
Էմմա Չոբանյան
