12.06.2026 | 01:05
ԱԱ-2026․ Երեք կարմիր քարտ ու տանտերերի հաղթանակ՝ բացման խաղում․ ՏԵՍԱՆՅՈՒԹ
Արմեն Սմբատյանը ևս 100 մլն դրամ գրավի դիմաց ազատ է արձակվել. նրան արգելվել է լքել ՀՀ-ն
Քաղաքականություն
12.09.2023 | 21:45
Իսրայելում, Ռուսաստանի Դաշնությունում Հայաստանի նախկին դեսպան Արմեն Սմբատյանը, որը մեղադրվում է առանձնապես խոշոր չափերով խարդախություն կազմակերպելու համար, ազատ է արձակվել. նրա նկատմամբ ընտրված խափանման միջոց կալանքը փոխարինվել է 100 միլիոն դրամ գրավով և ստորագրություն՝ երկրից չբացակայելու պայմանով։ Այս մասին Factor TV-ի հետ զրույցում տեղեկացրեց գլխավոր դատախազի խորհրդական Լուսինե Մարտիրոսյանը։
Ավելի վաղ հայտնել էինք, որ Սմբատյանի որդու՝ Հայաստանի պետական սիմֆոնիկ նվագախմբի ղեկավար Սերգեյ Սմբատյանի նկատմամբ ընտրված տնային կալանքը ևս 100 միլիոն գրավի դիմաց փոխվել է։ Հիշեցնենք՝ նախկին դեսպան Արմեն Սմբատյանը և նրա որդին՝ գլխավոր դիրիժոր Սերգեյ Սմբատյանը ձերբակալվել, ապա կալանավորվել են հուլիսի 30-ին՝ 10 տարվա վաղեմության ենթադրյալ խարդախության վերաբերյալ գործով։ Նրանք մեղադրվում են առանձնապես խոշոր չափերով խարդախության՝ շուրջ 966 մլն դրամի հափշտակության համար: Մասնավորապես,
ՀՀ Գլխավոր դատախազության տարածած հաղորդագրության համաձայն՝ քրեական վարույթով պարզվել է, որ արտակարգ և լիազոր դեսպան Ա.Ս.-ն, վերջինիս որդի, դիրիժոր Ս.Ս.-ն և գործարար Ա.Պ.-ն 2012 թվականին Հայաստանի Հանրապետության կառավարությանը ներկայացրել են 800 մլն դրամ արժողությամբ «Գրքի աշխարհ» բազմաֆունկցիոնալ համալիր կառուցելու կեղծ ներդրումային ծրագիր և խարդախությամբ հափշտակել «Երևանի Պ.Չայկովսկու անվան միջնակարգ երաժշտական դպրոց» ՊՈԱԿ-ին անհատույց օգտագործման իրավունքով տրամադրված, Երևանի Կողբացի 36 հասցեում գտնվող հողամասից առանձնացված 300 քմ մակերեսով, 166 մլն 103 հազար դրամ արժողությամբ հողամասը: Խափանման միջոցի հետ կապված պաշտպանական կողմը վերաքննիչ բողոք էր ներկայացրել Սերգեյ Սմբատյանի մասով, որը բավարարվել էր մասնակի. դատարանը նրա նկատմամբ ընտրել էր տնային կալանքը։
