20.06.2026 | 14:53
Ձորագետում հայտնաբերված վիրավոր արծվին տեղափոխվել է հատուկ կենտրոն
Գերմանիան ՌԴ-ից նավթ է ներկրում Հնդկաստանի միջոցով․ Der Spiegel
Քաղաքականություն
12.09.2023 | 21:58
Չնայած ռուսական էներգակիրներից հրաժարվելու մասին հայտարարված նպատակին՝ Գերմանիան շարունակում է մեծ ծավալներով ռուսական նավթ գնել Հնդկաստանի միջոցով։ Այս մասին գրում է Der Spiegel-ը՝ հիմնվելով Դաշնային վիճակագրական ծառայության՝ սեպտեմբերի 12-ին հրապարակված տվյալների վրա, փոխանցում է DW-ի ռուսական ծառայությունը։
Այդ տվյալների համաձայն՝ Հնդկաստանից Գերմանիա նավթամթերքի ներմուծման ծավալը տարվա ընթացքում աճել է 12 անգամ։ 2022 թվականի հունվարից հուլիս ընկած ժամանակահատվածում այն կազմել է 37 միլիոն եվրո, իսկ 2023 թվականի նույն ժամանակահատվածում՝ 451 մլն եվրո։ Սա այս ժամանակահատվածում Գերմանիա նավթամթերքի ներմուծման 2,4 տոկոսն է։
«Հիմնականում դա եղել է Հնդկաստանից գազոյլի ներկրումը, որն օգտագործվում է դիզելային վառելիքի կամ մազութի արտադրության համար։ Միաժամանակ, ՄԱԿ-ի Comtrade տվյալների բազայի համաձայն՝ Ուկրաինայում ռուսական ագրեսիվ պատերազմի սկզբից ի վեր Հնդկաստանը ՌԴ-ից մեծ ծավալով հում նավթ է ներկրում»,- ասվում է վիճակագրական ծառայության մամուլի հաղորդագրության մեջ։
Էմմա Չոբանյան
