Այժմ բանակցություններ են ընթանում Լաչինի միջանցքի վերագործարկման ուղղությամբ. Տիգրան Աբրահամյան․ ՏԵՍԱՆՅՈՒԹ

Այսօր Ակնայից ռուսական հումանիտար օգնությամբ բեռը հասել է Ստեփանակերտ։ Արցախի տեղեկատվական շտաբը տեղեկացրել է, որ սեպտեմբերի 12-ին Ասկերան քաղաքով Արցախի Հանրապետություն է մուտք գործել ռուսական

Կարմիր խաչի մեկ բեռնատար մեքենա՝ բեռնավորված ռուսական արտադրության հումանիտար բեռներով:
Ազգային ժողովի «Պատիվ ունեմ» խմբակցության քարտուղար Տիգրան Աբրահամյանը ԱԺ-ում այս թեմայի շուրջ լրագրողների հետ զրույցում նշեց․ «Ադրբեջանական կողմը երկար ժամանակ պնդում էր, որ այս ճանապարհով Արցախ պետք է մուտք գործի ոչ թե ռուսական մեքենան, այլ ադրբեջանական «Կարմիր մահիկի» մեքենաները։ Եվ նրա պնդումները, որոնք գրեթե մեկ շաբաթ փորձում էր շանտաժի տաբեր էլեմենտներով առաջնորդվել, այս փուլում հնարավոր է եղել կանխել։

Եկեք չմոռանանք, որ 44-օրյա պատերազմից հետո Կարմիր շուկայով և Շուշիի հատվածով ադրբեջանական շարասյուներ էին մուտք գործում Արցախի Հանրապետության տարածք և այնտեղից մուտք գործում Շուշիի տարածք։ Այսօր դա չկա, ես սա ասում եմ այն տեսակետից, որ դժվար է ասել, թե սա նախադեպ է և մշտական բնույթի պրոցես է լինելու։

Երկորդ, ուզում եմ անդրադառնալ նաև այն թեմային, որ առավոտյան Ակնա-Ստեփանակերտ ուղղությամբ ռուսական «Կարմիր խաչի» բեռնատարի մուտք գործելուց հետո նաև տեղեկություններ էին տարածվում, որ դա միայն վերմակ է պարունակում։ Դա ծաղրի առիթ էր դարձել, և ես ուզում եմ շատ հստակ ասել, որ ռուսական բեռնատարը, որը մուտք է գործել Արցախի Հանրապետության տարածք, իր մեջ պարունակում է առաջին անհրաժեշտության մեծ թվով ապրանքներ։ Այնտեղ եղել են տարբեր սննդատեսակներ, եղել են նաև փոքր քանակի ձմռան համար նախատեսված ապրանքատեսակներ»։

Երրորդ՝ Արցախի տեղեկատվական շտաբը նաև ընդգծել է, որ սա տեղի է ունեցել Ռուսաստանի հայտնի նախաձեռնության շրջանակներում։
Ասկերան-Ստեփանակերտ ուղղությամբ Արցախ մուտքը ենթադրում է կարճ ժամանակ հետո նաև Լաչինի միջանցքի վերագործարկում։
Թե ինչպե՞ս պետք է տեղի ունենա վերագործարկումը, ի՞նչ դետալներով պետք է իրականացվի, որովհետև միայն վերագործարկում ասելը բավարար չէ․․․
Կա բանակցային փաթեթ, որը, որքանով ես եմ տեղյակ, այս պահին էլ քննարկվում է։ Եվ փորձում են հնարավորինս ընդլայնված ձևով նաև իրականացնել Լաչինի վերագործարկումը։

Ես տեղյակ եմ, որ խոսքը մոտ ժամանակահատվածում վերագործարկման մասին։ Ես այս պահին դժվարանում եմ ասել՝ դա կլինի 12 ժամվա ընթացքում, թե՞ 24 ժամվա ընթացքում, բայց այս պահին էլ ինտենսիվ աշխատանք է իրականացվում՝ հնարավորինս սեղմ ժամկետներում այն վերագործարկելու ուղղությամբ»,- ասաց Աբրահամյանը

Ըստ պատգամավորի՝ բանակցությունները մի կողմից ընթանում են Արցախի և ռուսական կողմի, մյուս կողմից՝ ռուսական կողմի և Ադրբեջանի միջև։

Մանրամասները՝ տեսանյութում։