07.04.2026 | 10:05
Արտարժույթների փոխարժեքները՝ ապրիլի 7-ի դրությամբ
Բաքուն ԿԽՄԿ-ի միջնորդությամբ համաձայն է Լաչինի ու Աղդամի ճանապարհների միաժամանակյա օգտագործմանը․ Ադրբեջանի ԱԳՆ
Քաղաքականություն
12.09.2023 | 11:50
Ադրբեջան ԱԳՆ-ն հայտարարություն է տարածել Աղդամի ճանապարհով Արցախ ռուսական Կարմիր խաչի բեռների մուտքի մասին։
«Այն, որ բեռն առաքվել է հենց Աղդամի ճանապարհով, չնայած Ադրբեջանի Ղարաբաղի շրջանում Հայաստանի ինքնահռչակ վարչակարգի սադրանքներին, մենք համարում ենք դրական քայլ և կարևոր տեղաշարժ դեպի այդ ճանապարհի բացման ուղղությամբ»,- ասել է Ադրբեջանի ԱԳՆ խոսնակ Այխան Հաջիզադեն։
Նա նշել է, որ գործընթացը տեղի է ունեցել ադրբեջանական Կարմիր մահիկի հետ համաձայնությամբ։
«Ինչ վերաբերում է Լաչինի ճանապարհի և Աղդամի ճանապարհի միաժամանակյա օգտագործման հարցին, ինչպես Ադրբեջանը նշել է ԱՄՆ-ի և այլ գործընկերների հետ բարձր մակարդակի շփումների ժամանակ՝ Ադրբեջանը ԿԽՄԿ-ի միջնորդությամբ համաձայնել է այս երկու ճանապարհների միաժամանակյա օգտագործմանը։ Ցավոք, դրա իրականացմանը խոչընդոտում է Հայաստանի կողմից Ադրբեջանի Ղարաբաղյան շրջանում ստեղծված ռեժիմը»,- ասել է Հաջիզադեն։
Ադրբեջանցի պաշտոնյան հավելել է, որ միայն Աղդամի ճանապարհի բացմանը զուգահեռ է Բաքուն պատրաստ ԿԽՄԿ-ի միջնորդությամբ բեռների փոխադրման համար պայմաններ ստեղծել՝ Հակարիի կամրջին ապօրինի տեղադրված անցակետում «սահմանային և մաքսային ընթացակարգերի պահպանմամբ»։
