15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Կյանքից հեռացել է դերասան Սամվել Սարգսյանը
Մշակույթ
12.09.2023 | 09:47
Կյանքից հեռացել է դերասան Սամվել Սարգսյանը․ տեղեկացնում են Հայաստանի թատերական գործիչների միությունից։
«Մեր խորին ցավակցություններն ենք հայտնում Ս. Սարգսյանի հարազատներին և գործընկերներին»,- ասված է հաղորդագրությունում։
Կենսագրություն
Սամվել Սարգսյանը ծնվել է 1955 թ․ սեպտեմբերի 18-ին Երևանում։ 1961-1971 թվականներին սովորել է Երևանի Գայի անվան թիվ 129 միջնակարգ դպրոցում, 1971-1975 թվականներին՝ Երևանի գեղարվեստա-թատերական ինստիտուտում։ 1980-ականներին աշխատել է Գյումրիի Վարդան Աճեմյանի անվան պետական դրամատիկական թատրոնում, 1990-ական թվականներին շուրջ 8 տարի՝ Երևանի Սունդուկյանի անվան ազգային ակադեմիական թատրոնում։
2005-2008 թվականներին բնակվել է ԱՄՆ-ում։
Նկարահանվել է «Մեր մանկության տանգոն», «Մարիամ», «Փեսացուն կրկեսից», «Սուպեր մամա» ֆիլմերում, մի շարք հեռուստասերիալներում։
2014 թ․ պարգևատրվել է ՀՀ մշակույթի նախարարության ոսկե մեդալով։
