15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Վրաստանի նախագահի իմփիչմենթի դիմումը, որը կփոխանցվի ՍԴ, ստորագրել են 80 պատգամավորներ
Քաղաքականություն
11.09.2023 | 20:10
Վրաստանի նախագահ Սալոմե Զուրաբիշվիլիի իմփիչմենթի դիմումը, որը կներկայացվի Սահմանադրական դատարան, ստորագրել են խորհրդարանական մեծամասնության 80 պատգամավորներ, գրում է Interpressnews-ը։
Խորհրդարանական ընթացակարգային հարցերի և կանոնակարգերի հանձնաժողովը հաստատել է ստորագրությունների վավերականությունը, որոնք կկցվեն Սահմանադրական դատարան ուղարկված դիմումին։
Սահմանադրական դատարանը մեկ ամիս ժամանակ ունի՝ եզրակացություն պատրաստելու համար:
Դատարանի դրական եզրակացության դեպքում նախագահին հեռացնելու համար անհրաժեշտ է պատգամավորների 100 ձայն, ինչը չունի «Վրացական երազանք»-ի մեծամասնությունը։
«Վրացական երազանքի» պատգամավորները նախագահ Զուրաբիշվիլիին մեղադրում են այն բանում, որ վերջինս խախտել է Սահմանադրությունը, մասնավորապես, առանց կառավարության հետ համաձայնեցնելու այցելել է օտարերկրյա պետություններ։
