30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
Ճապոնիան ավարտել է «Ֆուկուսիմա»-ից ջրի բացթողման առաջին փուլը
Քաղաքականություն
11.09.2023 | 23:30
TEPCO-ն հայտարարել է «Ֆուկուսիմա 1» ատոմակայանից մաքրված ռադիոակտիվ ջրի օվկիանոս արտանետման առաջին փուլի ավարտի մասին։ Այս մասին հայտնում է NHK հեռուստառադիոընկերությունը։
Վնասված կայանի օպերատորը նշել է, որ օգոստոսի 24-ից ամեն օր օվկիանոս է բաց թողնվել մոտ 460 տոննա ջուր, իսկ 17 օրվա ընթացքում՝ ընդամենը 7800 տոննա, ինչը համարժեք է տասը լիքը պահուստարանի։
Կայանից երեք կիլոմետր հեռավորության վրա վերցված ծովի ջրի նմուշների վերլուծությունը ցույց է տվել, որ տրիտիումի առավելագույն կոնցենտրացիան 10 բեկերել է՝ մեկ լիտրում, ինչը շատ ցածր է 700 բեկերել/լիտրի սահմանից, որի դեպքում ջրի արտահոսքը պետք է դադարեցվի:
Ընդհանուր առմամբ, ընկերությունը նախատեսում է ջրի բացթողման չորս փուլ՝ մինչև հաջորդ տարվա մարտը, որի ընթացքում օվկիանոս բաց կթողնվի 31,200 տոննա ջուր, որը համարժեք է մոտ 40 պահուստարանի։
