30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Գերմանական կրկեսն իր շոուներում կենդանիներին փոխարինել է հոլոգրամներով
Քաղաքականություն
11.09.2023 | 23:17
Կենդանիների բարեկեցության մասին մտահոգությունների պատճառով գերմանական Ռոնքալլի կրկեսը դադարեցրել է առյուծների, փղերի և այլ կենդանիների օգտագործումը շոուներում՝ նրանց փոխարինելով հոլոգրամներով, փոխանցում է Euronews-ը։
Նշվում է, որ կենդանիների բարեկեցության մասին մտահոգությունների պատճառով կրկեսն առյուծների ու փղերի օգտագործումը շոուներում դադարեցրել է 1991 թվականին: Սակայն 2018-ին ընկերությունն ավելի հեռուն է գնացել և իր ծրագրից ամբողջությամբ վերացրել է իրական կենդանիներին։
«Ռոնքալլիի համար այլևս տեղին չէ իրական կենդանիներին ցույց տալ բեմում»,- ասել է կրկեսի տնօրեն Պատրիկ Ֆիլադելֆիան:
Վերջին տարիներին կրկեսներին ավելի ու ավելի քիչ տեղ է հատկացվում։ Բացի այդ, կրկեսային կյանքի քոչվորական ապրելակերպը չափազանց հյուծիչ է կենդանիների համար։ Նրանք պետք է բեռնվեն սայլերի վրա, իսկ հետո տեղափոխվեն հաջորդ քաղաք։
Հաղորդվում է, որ տեսողական պատրանք ստեղծելը հեշտ գործ չի եղել, սակայն ինժեներներին հաջողվել է դա անել։ Չնայած իրական փղերի և առյուծների բացակայությանը՝ շոուն հիացնում է ինչպես երեխաներին, այնպես էլ մեծահասակներին:
Էմմա Չոբանյան
